lunes, 18 de febrero de 2013

N'esti Mundiu Traidor

Cuandu n'avientu risca l'iviernu
sidre del duernu quiero sorber.
Y fartu d'ella y de boroña
con media moña,mediu cayer.
Y tien que tienes y zapicando
dir triando pa cabu'l llar.
Y a la mio Pepa faer regolvinos
colos güeyinos mediu al cerrar. 

Siento la sangre que me retoza
porque ye moza y ehí ta'l son.
¿Será la sidre, la sidre nuevo
la que me preba tan de pistón ?
Mientres la sidre yo la bendizco
echo-y un plizcu a la mio né,
y ella faciendo mil patagüeyes
diz colos güeyos lo que yo sé.

Que nesti mundiu traidor
onde'l cuerpu se taraza
con sidre y una rapaza
pásase de lo meyor.


Traime más sidre,quiero castañes
y cuatro argaños pa les asar,
y rellambese col amagüestu
munchu d'impuestu a reblincar.
Y yá cuida la filosera
que me pruyera facer dempués
un taragañu da-y a mio neña
dexando-y seña pa más d´un mes.



Que nesti mundiu traidor
onde'l cuerpu se taraza
con sidre y una rapaza
pásase de lo meyor.




Pepín Quevedo



*Nota: Este poema se hizo canción de la mano del grupo astur Dixebra.

No hay comentarios:

Publicar un comentario